இலங்கையின்முருகைக் கற்பாறைகளின் அழிவும் அதைப் பாதுகாக்கும் வழிமுறைகளும்

இது வரையில் நடைமுறைப்படுத்தப்படுகின்ற பாதுகாப்பு வழிமுறைகள் சிலவற்றை பார்க்கலாம். அவற்றில் முதலாவதாக வன விலங்கு பாதுகாப்பு திணைக்களத்தினால் அறிமுகப்படுத்தப்பட்ட கடற் பாதுகாப்பு பிரதேசம் ஆனது அப் பகுதியில் வாழும் பாதிப்புக்கு உள்ளாகக்கூடிய வாழிடங்களை பாதுகாப்பது மட்டுமல்லாமல் அக் குறிப்பிட்ட பிரதேசத்தில் அழிவுகளை உள்ளாக்கக் கூடிய செயற்பாடுகள் இடம்பெறுவதிலிருந்தும் பாதுகாக்கின்றது. இவ்வாறான கடல் பாதுகாப்பு பிரதேசங்கள் ஹிக்கடுவ கடல் தேசிய வனம் (Hikkaduwa Marine National Park) மற்றும்  பார் பவளப்பாறை கடல் சரணாலயம் (Bar Reef Marine Sanctuary) ஆலும் அறிமுகப்படுத்தப்பட்டுள்ளன. உள் நாட்டு மக்களுக்கு முருகை கற்பாறைகளின் முக்கியத்துவம் மற்றும் அவற்றை பாதுகாப்பதற்கான வழிமுறைகளை உணர்த்தும் விதமாக சமூகம் சார்ந்த செயற்பாடுகள் மற்றும் clean ups அதாவது கடற்பிரதேசங்களை சுத்தமாக்கும் பணிகள் அது மட்டுமல்லாமல் நீடித்து நிலைபெறச் கூடிய மீன் பிடி நுட்பங்களை கற்றுக் கொடுப்பதன் மூலமாகவும் இதன் முக்கியத்துவத்தை எம்மால் உணர வைக்க முடியும். இவ்வாறான செயற்பாடுகள் IUCN Sri Lanka, Pearl protectors எனும் அமைப்புகளால் நடைமுறைப்படுத்தப்பட்டிருக்கின்றன.

புதியதொரு நுட்பமாக பவளப் பாறைகள் மறுசீரமைப்பு செயற்பாடுகள் நடைபெற்று வருகின்றன. இது எவ்வாறானதெனில் பவளப் பாறைகளின் வளர்ப்பை செயற்கையாக ஊக்குவிப்பதாகும். அதாவது சிறியதொரு பவளப் பாறையை அறிமுகப்படுத்தி உயிரினங்கள் வளர்வதற்கு வசதி அளிப்பதன் மூலமாக பவளப் பாறைகளின் எண்ணிக்கையை கூட்டுவதற்கான முயற்சி ஆகும். இவ்வாறான செயற்பாடுகள் திருகோணமலை மற்றும் பாசிக்குடா போன்ற பகுதிகளில் முன்னெடுக்கப்பட்டுள்ளன.  இவ்வாறான செயற்பாடுகள் இலங்கை கடற்படையினராலும்  மற்றும் தேசிய நீர்வள ஆராய்ச்சி மற்றும் மேம்பாட்டு நிறுவனத்தின் அதிகாரியினராலும்  (National Aquatic Resources Research and Development Agency) நடைமுறை படுத்தப்படுகின்றன.

அத்தோடு நாங்கள் பாடசாலை மாணவர்களுக்கும் வளர்ந்து வரும் சமூகத்தினருக்கும் இதன் முக்கியத்துவத்தை உணர வைப்பது கட்டாய கடமை ஆகும். இதனால் எமது நாட்டுக்கு வருகை தரும் வெளிநாட்டு சுற்றுலாப் பயணிகளுக்கும் முருகை கற்பாறைகளின் முக்கியத்துவத்தை உணர வைத்து அவர்களும் தகாத, முருகை கற்பாறைகளை அழிவுக்கு உள்ளாக்கக்கூடிய செயற்பாடுகளில் ஈடுபடுவதை தவிர்க்கலாம்.